అక్కడ పవన్ ఆటిట్యూడ్ నచ్చింది: రేణుదేశాయ్

Telugu Box Office

మూడేళ్లు వెండితెరకు దూరమైన పవర్ స్టార్ పవన్ కళ్యాణ్‌ ‘వకీల్ సాబ్’గా తిరిగి ప్రేక్షకుల ముందుకు రానున్న సంగతి తెలిసిందే. సినిమా విడుదలయ్యే ఏప్రిల్ 9వ తేదీ కోసం ఆయన అభిమానులు కళ్లు కాయలు కాసేలా ఎదురు చూస్తున్నారు. ఈ క్రమంలోనే చిత్ర యూనిట్ చేస్తున్న ప్రమోషన్స్ సినిమాపై మరింత క్యూరియాసిటీ పెంచేస్తున్నాయి. ఈ క్రమంలో ఇటీవలే వకీల్ సాబ్ ట్రైలర్ విడుదలై ఒక్క రోజులోనే రికార్డులు కొల్లగొట్టింది. తాజాగా ఈ ట్రైలర్ పవన్ మాజీ భార్య రేణు దేశాయ్ తన మనసులో మాట బయటపెట్టారు.

వకీల్ సాబ్ ట్రైలర్‌లో పవన్ కళ్యాణ్ చాలా ఫ్రెష్ లుక్‌లో కనిపిస్తున్నారు. ఇప్పటివరకూ చూడని పవర్ స్టార్‌ స్క్రీన్‌పై కనిపిస్తున్నారు. ట్రైలర్‌లో పవన్ ఆటిట్యూడ్ నచ్చింది. అమ్మాయి తరపున వాళ్ళ కోసం పోరాడే లాయర్ పాత్రలో ఆయన అదరగొట్టేశారు పేర్కొంది. ముఖ్యంగా మీరు వర్జినా అంటూ చివర్లో అబ్బాయిని పవన్ ప్రశ్నించడం బాగుంది. మొదటి నుంచి చివరి వరకు ‘వకీల్ సాబ్’ ట్రైలర్ ఆసక్తికరంగా సాగింది’ అంటూ రేణుదేశాయ్ కితాబిచ్చింది. ఆమె స్పందన చూసి మెగా ఫ్యాన్స్ ఖుషీ అయిపోతున్నారు.

బాలీవుడ్ సూపర్ హిట్ మూవీ ‘పింక్’ తెలుగు రీమేక్‌గా ఈ ‘వకీల్ సాబ్’ తెరకెక్కిన సంగతి తెలిసిందే. వేణు శ్రీరామ్ దర్శకత్వం వహించిన ఈ సినిమాలో పవన్ కళ్యాణ్‌కు జోడీగా శృతి హాసన్ నటించారు. నివేదా థామస్, అంజలి, అనన్య నాగళ్ల ఇతర ముఖ్యపాత్రలు పోషించారు. సినిమా మొత్తం ఈ ముగ్గురు అమ్మాయిల చుట్టూనే తిరుగుతుందని ట్రైలర్ చూస్తూనే తెలుస్తోంది. బోనీ కపూర్ బే వ్యూ ప్రాజెక్ట్స్ సౌజన్యంతో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మించారు. భారీ అంచనాల నడుమ ఏప్రిల్ 9వ తేదీన ఈ మూవీ ప్రపంచవ్యాప్తంగా విడుదలకు సిద్ధమవుతోంది.

Share This Article
Leave a comment